Xabaringiz bor, kecha poytaxtimizdagi “Humo arena” saroyida Jah Khalibning konsert dasturi bo‘lib o‘tdi.

Olingan xabarga ko‘ra, ushbu konsertga tashrif buyurgan fuqarolar o‘rtasida “Humo arena” saroyiga kirish joylari oldida tartibsizlik holatlari yuz bergan. Shu yerda xizmat olib borayotgan Milliy gvardiya xodimlari tomonidan jamoat tartibini buzganlikda gumonlangan fuqarolar voqea joyidan xavfsiz hududga olib chiqilib, yuz berishi mumkin bo‘lgan salbiy holatlarning oldi olingan. Tartibbuzarlikka doir holat yuzasidan surishtiruv va o‘rganish ishlari olib borilmoqda.

Barcha fuqarolar voqea joyidan tarqatilgan. Tan jarohati olganlar yo‘q.

• Humo
• Tartibsizlik
• Toshkent
• konsert