Bugun, 8 aprel kuni Yashnobod tumanida yuk avtomobili bilan bog‘liq yo‘l-transport hodisasi sodir bo‘ldi. Bu haqda Ichki ishlar vazirligi Jamoat xavfsizligi departamenti Yo‘l harakati xavfsizligi xizmati xabar berdi.

Qayd etilishicha, bugun taxminan soat 16:30 da Toshkent shahar, Yashnobod tumani, Maxtumquli ko‘chasida haydovchi 1955 yilda tug‘ilgan Yu.S. “MAZ-54323” rusumli yuk avtomobiliga ulangan yarim tirkamaga “konteyner” ortib harakatlanib ketayotgan vaqtda, uning tepa qismi ushbu ko‘chadan kesib o‘tgan ko‘prikka tegib qolgan va “konteynerning” bir tomoni yarim tirkama ustidan yerga tushgan.

Hodisa natijasida tan jarohati olgan fuqarolar yo‘q.

Holat yuzasidan Toshkent shahar Ichki io‘lar bosh boshqarmasi YHXB va yo‘lga mas’ul idora xodimlari tomonidan tegishli hujjatlar rasmiylashtirilgan.

• IIB
• IIBB
• Yuk_avtomobil
• harakat