Ushbu anjuman 2025-yilning 5-9-aprel kunlari “Tashkent City” hududidagi Kongress-xoll majmuasida o‘tkaziladi. Bu haqda Oliy Majlis Senati matbuot xizmati xabar berdi. 

“Unda dunyoning 180 ta mamlakati, 15 ta kuzatuvchi davlat hamda 25 dan ortiq xalqaro va parlamentlararo tashkilotdan 2 mingga yaqin delegatlar ishtirok etishi kutilmoqda”, – deyiladi xabarda.

Bildirilishicha, yig‘ilishning asosiy mavzusi “Ijtimoiy rivojlanish va adolat uchun parlament harakati” bo‘lib, unda kambag‘allikni bartaraf etish, munosib mehnat sharoitlarini yaratish, ijtimoiy inklyuziyani qo‘llab-quvvatlash va qaror qabul qilish jarayonida kamsitilgan guruhlar ishtirokini oshirish kabi masalalar muhokama qilinadi.

Shuningdek, assambleya so‘nggida Parlamentlararo ittifoqning rezolyutsiyalari va Toshkent deklaratsiyasi qabul qilinadi.

• Markaziy Osiyo
• Oliy Majlis
• Senat
• majlis