“Mehribon taksi” – jismoniy imkoniyati cheklangan va nogironligi bo‘lgan fuqarolar uchun xizmat ko‘rsatuvchi transport vositasi hisoblanadi. Bu haqda Toshkent shahar axborot xizmati ma’lum qildi.

“An’anaviy taksilardan farqli ravishda bu avtomobillar tayanch-harakat a’zolarida muammolari bor insonlarga mo‘ljallangan hamda har bir yo‘lovchidan tushgan mablag‘ning ma’lum foizi nogironlarni ijtimoiy muhofaza qiluvchi tashkilotlarning hisob raqamiga o‘tkazib beriladi.

Mazkur xizmat Markaziy Osiyo mintaqasida ilk amaliyot bo‘lib, yil sayin unga talab va ehtiyoj ortib bormoqda”, deyiladi xabarda.

Ma’lumot o‘rnida, bugungi kunda Toshkent shahrida 6 mingga yaqin jismoniy imkoniyati cheklangan va nogironligi bo‘lgan fuqarolar istiqomat qilmoqda. Ulardan 300 ga yaqini esa tayanch-harakat a’zolarida nuqsoni bor insonlardir.

• Avtomobil
• Toshkent