Favqulodda vaziyatlar vazirligining xabar berishicha, bugun Toshkent shahrining Olmazor tumanida joylashgan omborxonadan perekis vodorod moddasi ochiq havoga sizib chiqqan.

Ma’lum qilinishicha, tumanning Uzumbog‘ ko‘chasida havodan oltin gugurt hidi kelayotgani haqida poytaxt FVBga xabar kelib tushgan.

Xabarga asosan boshqarmaning Radiatsion, kimyoviy va tibbiy-biologik himoya bo‘limlari aytilgan manzilga yetib borgan.

Birlamchi ma’lumotlarga ko‘ra, omborxonada joylashgan sig‘imdan perekis vodorod moddasi ochiq havoga sizib chiqishi kuzatilgan.

Toshkent shahar FVB Radiatsion, kimyoviy va tibbiy-biologik himoya bo‘limlari tomonidan ushbu holat soat 04:00 da to‘liq bartaraf etilgan.

Bildirilishicha, hozirda holat yuzasidan surishtiruv ishlari olib borilmoqda.

• Favqulodda holat
• Toshkent