Xususiy uy-joy mulkdorlari shirkati tomonidan noqonuniy ravishda gazdan foydalanish oqibatida hududiy gaz taʼminoti korxonasi manfaatlariga 311,1 mln. soʻm zarar yetkazilgan. Bu haqda Iqtisodiy jinoyatlarga qarshi kurashish departamenti xabar berdi.
Qayd etilishicha, Bosh prokuratura huzuridagi Departamentning Yashnobod tuman boʻlimi tomonidan tergovga qadar tekshiruv ishlari oʻtkazilgan.
Unda, “P.K.” xususiy uy-joy mulkdorlari shirkati tomonidan gazlashtirish uchun zarur hujjatlarni rasmiylashtirmasdan tuman hududidagi koʻp qavatli uyning qozonxonasiga 4 dona isitish uskunalarini oʻrnatib, noqonuniy ravishda gazdan foydalanilganligi oqibatida hududiy gaz taʼminoti korxonasi manfaatlariga 311,1 mln. soʻm zarar yetkazilganligi aniqlangan.
Maʼlum qilinishicha, hozirda mazkur holat yuzasidan Jinoyat kodeksining 185-2-moddasi (elektr, issiqlik energiyasi, gaz, vodoprovoddan foydalanish qoidalarini buzish) bilan jinoyat ishi qoʻzgʻatilib, tergov harakatlari olib borilmoqda.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!