Bugun, 20-dekabr kuni soat 07:50da Toshkent shahar Uchtepa tumani “Farhod” ko‘chasida “O‘rikzor-Do‘mbirobod” 125-yo‘nalishda harakatlanib ketayotgan “Mercedes-Benz” rusumli avtobusda yong‘in sodir bo‘lgan.

Uchtepa tumani FVBning ma’lum qilishicha, soat 07:56da voqea joyiga 2 ta yong‘in-qutqaruv ekipaji yetib borib, yong‘in soat 08:00 da o‘chirilgan.

Yong‘in oqibatida avtobusning motor qismi yonib zararlangan. Hodisa oqibatida jabrlangan va halok bo‘lganlar yo‘q.

Hozirda mutaxassislar tomonidan yong‘in sababi va keltirilgan moddiy zarar miqdori aniqlanmoqda.

Eslatib o‘tamiz, joriy yil 14-dekabr kuni ham Toshkent shahar Sergeli tumani hududida harakatlanib ketayotgan “Mercedes-Benz” rusumli avtobusda yong‘in sodir bo‘lgan edi. 

• Avtobus
• FVV
• Toshkent
• Yon‘in