Kecha, 1-mart kuni Toshkentda avtobus haydovchilari yo‘lovchi talashib mushtlashdi.

Bugun JIB Yashnobod tuman sudida MJtKning 183-moddasi (mayda bezorilik) bo‘yicha N.B. va M. M.ga nisbatan yuritilgan ma'muriy ish ko‘rib chiqildi. Bu haqda Toshkent shahar sudi matbuot xizmati xabar bermoqda.

Sud majlisida aniqlanishicha, joriy yil 28-fevral kuni soat taxminan 8:30 atrofida Yashnobod tumani Izzat ko‘chasida o‘zlariga biriktirilgan avtobuslarni boshqarib, harakat davomida bir-birlariga yo‘l bermasdan kelib, shu ko‘chada joylashgan 76-sonli avtobekat oldida to‘xtab, o‘zaro janjallashib, mayda bezorilik qilishgan. Huquqbuzarlar ushbu harakatlari bilan MJtKning 183-moddasida nazarda tutilgan huquqbuzarlikni sodir qilishgan.

Jinoyat ishlari bo‘yicha Yashnobod tuman sudining 2023-yil 2-martdagi qarori bilan N. B. va M. M.ning har biriga MJtKning 183-moddasi bilan 7 sutkadan ma'muriy qamoq jazosi tayinlandi.

• Avtobus
• Haydovchi
• Janjal