Joriy yilning 9-may kuni Toshkent shahrida bir guruh shaxslar “Birodarlar qabristoni”da SSSR va O‘zbekiston SSR bayrog‘i ostida yurish qildi. Bu haqda taniqli bloger Nikita Makarenko xabar berdi.

“Kecha Bratskixda (“Birodarlar qabristoni”) jiddiy tarzda “o‘rtoq Stalinga ura!” xitoblari va O‘zbekiston SSR bayrog‘i ostida yurish qilishdi. Qodiriy, Fitrat va boshqa minglab yurtdoshlarimizning qotili uchun urami?”, deb yozdi bloger.

Xabarga keltirilgan videolavhada sovet jangchisi formasini kiygan va qo‘lida qizil bayroq ushlagan yigitning “Tovariщu Stalinu ura” (O‘rtoq Stalinga ura), “Generalissimusu pobeditelyu ura” (Gʻolib generalissimusga ura) deb baqirganini, yurish qilayotganlar esa xitobni takrorlaganini ko‘rish mumkin.
Shuningdek, ushbu yurishda ishtirok etganlar orasida voyaga yetmagan bolalar ham ko‘zga tashlanadi.

Blogerning ta’kidlashicha, yurishda 100-200 atrofida odam ishtirok etgan.

“Faqat bir narsa quvontiradi — Stalinning ashaddiy muxlislari u qadar ko‘p to‘plangani yo‘q — 100-200 atrofida”, deb yozdi u.

• Namoyish