Toshkent shahrining Shayxontohur tumanida ko‘p qavatli uy yerto‘lasi o‘zboshimchalik bilan o‘zgartirilgani aniqlandi. Bu haqda Uy-joy kommunal xizmat ko‘rsatish vazirligi huzuridagi Qurilish va uy-joy kommunal xo‘jaligi sohasida nazorat inspeksiyasi xabar berdi.

Qayd etilishicha, inspeksiya tomonidan aholi murojaatlariga asosan ko‘p qavatli uylarda noqonuniy qurilmalarni aniqlash va huquqbuzarlarga nisbatan tegishli choralar ko‘rish ishlari o‘tkazilmoqda.

Xususan, Toshkent shahri Shayxontohur tumani, Labzak dahasi 1a uyning yerto‘lasi tekshirilganda, tegishli talablarni buzgan holatda o‘zgartirilgani aniqlangan. Fuqaro loyiha hujjatlaridan chetga chiqqan holda binoning tayanch devorlari hamda kommunikasiya tarmoqlari joylashuvini o‘zgartirgan.

Inspeksiya tomonidan huquqbuzarga nisbatan tegishli tartibda ma’muriy bayonnoma rasmiylashtirilib, 15 kun muddatda binoni o‘z holiga qaytarish bo‘yicha topshiriq berilgan.

• Qurilish vazirligi
• Uy-joy