Ijtimoiy tarmoq sahifalarida “Yakkasaroy tumanidagi 160-sonli umumta'lim maktabida nimalar bo'lmoqda?” sarlavhasi bilan xabarlar tarqaldi.

Mazkur holatga Toshkent shahar maktabgacha va maktab ta’limi boshqarmasi munosabat bildirdi. Unga ko‘ra, so‘nggi paytlarda 160-sonli umumta’lim maktabi ma’muriyati faoliyati yuzasidan e’tiroz va shikoyatlar ko‘paygan. Shu shikoyatlar bo‘yicha Toshkent shahar hamda Yakkasaroy tumani prokuraturasi tomonidan o‘rganishlar olib borilgan. O‘rganish va surishtiruv bo‘yicha tegishli hujjatlar yakuniy xulosa uchun huquq-tartibot idoralariga taqdim etilgan.

Videolavhada aks etgan holatning maktab ma’muriyati va o‘qituvchilariga umuman aloqasi yo‘qligi ma’lum qilingan. Unda o‘quvchining buvisi hamda o‘qituvchi o‘rtasidagi muloqot aks etgan, deyiladi xabarda.

Hozirda Toshkent shahar maktabgacha va maktab ta’limi boshqarmasi 160-maktabdagi vaziyatni to‘liq o‘z nazoratiga olganligini aytmoqda.

• Janjal
• Maktab
• Maktabgacha ta'lim vazirligi
• Toshkent