Yunusoboddagi masjidlarning birida masjid imomi rus yigitining islomni qabul qilgani haqida ma’lum qilayotganida bir erkak norozilik bildirgan.

Toshkent shahar IIBB matbuot xizmati mazkur holat aks etgan videolavha yuzasidan rasmiy ma’lumot berdi.

Xabarda aytilishicha, 26-noyabr kuni Yunusobod tumanida o‘tkazilgan juma namozi davomida imom-xatib bir yigit Islomni qabul qilib, musulmon bo‘lmoqchi ekanligini ma’lum qilgan. So‘ng yigitga so‘z berilgan va u qavmga rus tilida murojaat qilgan.

“Ko‘pchilik uning so‘zlarini to‘g‘ri tushundi, ammo bir erkak holatga norozilik bildirishni boshlagan. Masjid qavmi uni ko‘chaga olib chiqdilar. Ma’lum bo‘lishicha ushbu shaxs – 41 yoshli A. ismli shaxs bo‘lib, ixtisoslashtirilgan tibbiyot muassasasida hisobda turar ekan. Keyinchalik u tibbiyot muassasasiga davolanish uchun joylashtirildi”, – deyiladi IIBB xabarida. 

• IIB
• Toshkent