Joriy yilning 13-yanvar kuni soat 22:20larda Xalqlar do‘stligi san’at saroyi maydoniga 14-yanvar – Vatan himoyachilari kuni munosabati bilan harbiy texnikalar ko‘rgazmasiga olib chiqilgan Milliy gvardiyaning yengil zirhli texnikasining salon qismida qisqa tutashuv natijasida yong‘in kelib chiqqan.

Milliy gvardiya Toshkent shahar boshqarmasi parad paytida yonib ketgan harbiy texnika yuzasidan ma’lumot berdi.

Xabarda aytilishicha, yong‘in qisqa vaqtda to‘liq bartaraf etilgan. Sodir bo‘lgan hodisa natijasida fuqarolarga jabr yetmagan. “Hozirda yong‘in kelib chiqish sababi o‘rganilmoqda”, – deyiladi boshqarma xabarida. 

• Harbiy
• Milliy gvardiya
• Yon‘in