Toshkent shahrining Yashnobod tumanida yashovchi fuqaro yangi sotib olgan uyidan XIX asr oxiri XX asr boshlariga tegishli qadimiy kitoblar topib olgan. Bu haqda Madaniy meros agentligi xabar berdi.

Qayd etilishicha, fuqaroning murojaatiga asosan ushbu kitoblar bo‘yicha o‘rganish ishlari olib borilgan. Tekshiruvlar natijasida topilgan ashyolar esa eski o‘zbek yozuvidagi qo‘lyozma va toshbosma kitoblar ekanligi aniqlangan.

Ularning ichida she’riy to‘plamlar, badiiy va ilmiy-ommabop kitoblar ham bor.

Unga topilgan kitoblar uning shaxsiy mulki ekanligini inobatga olgan holda agentlik xodimlari tomonidan qo‘lyozmalarni davlatga topshirish yoki sotib yuborishi mumkinligi tushuntirilgan.

Shuningdek, agentlik ushbu kitoblarni batafsil o‘rganish ishlari yakuniga yetgach qo‘shimcha ma’lumotlar taqdim etishini ma’lum qilgan.

• Madaniy meros