Farzandi jabrlangan onaning aytishicha, voqea 17-noyabr kuni yuz bergan. U o‘z ijtimoiy tarmoqdagi sahifasida bog‘chada olingan video, shifokor xulosasini e’lon qilgan. Videoda tarbiyachi karavotda o‘tirgan bolani bir qo‘lidan ko‘tarib, boshqa joyga olib ketgani aks etgan.

Onaning so‘zlariga ko‘ra, voqea sodir bo‘lgan kuni uyga qaytgan bola kun bo‘yi yig‘lagan. Ayniqsa, chap qo‘liga tegilganida unda kuchli og‘riq turgan. Bola shifokor ko‘rigiga olib borilganida suyak sinishi tashxisi qo‘yilgan va bolaning qo‘li gipslangan.

Ayol 30-noyabr kuni bolalar ombudsmaniga xususiy bog‘cha va uning tarbiyachisi haqda murojaati qilgan. Hozirda mazkur holat yuzasidan Yakkasaroy tumani IIB tomonidan tergovga qadar tekshiruv ishlari olib borilmoqda.

• DMTT