Joriy yil 26-noyabrdagi “Toshkent shahrida yerosti yo‘li hamda yerusti halqa metro liniyasini qurish loyihasini amalga oshirish chora-tadbirlari to‘g‘risida”gi prezident qarori bilan Toshkent shahrida quriladigan yer usti xalqa metrosining texnik-iqtisodiy hisobi tasdiqlandi.

Qayd etilishicha, “Toshkent shahrida yer usti xalqa metro liniyalarining qurilishi” loyihasining umumiy qiymati 354,3 mln dollarni tashkil etib, bunda:
–  davlat byudjeti mablag‘lari – 208,4 mln dollar;
–  Tiklanish va taraqqiyot jamg‘armasi mablag‘lari hisobidan – 108,4 mln dollar;
–  Xitoy Eksimbankining 500 mln dollar krediti hisobidan;
–  davlat ulushi – 37, 07 mln dollarni tashkil qiladi.

Mazkur loyihaga ko‘ra, metro yo‘lining uzunligi 25,92 km bo‘lib, yo‘lovchilarning yillik aylanmasi 35 mln 102,3 ming nafarni tashkil qiladi.

Eslatib o‘tamiz, avvalroq Toshkent metrosining “Buyuk ipak yo‘li” bekatidan TTZ dahasigacha bo‘lgan oraliqda yerosti yo‘li hamda yerusti halqa metrosining ikkinchi bosqichi amalga oshirilishi haqida aytilgan edi.

• Metro
• Qaror
• Toshkent