31°
Kechasi 18°
Joriy yil 16-yanvar kuni Toshkent shahrining Yashnobod va Yunusobod tumanlarida odam o‘limi bilan bog‘liq YTHlar qayd etildi.
Shu kuni soat 03:20da Yashnobod tumani Shohimardon ko‘chasida haydovchi – 2005-yilda tug‘ilgan, haydovchilik guvohnomasiga ega bo‘lmagan Yo.R. ishonch qog‘ozisiz “Spark” rusumli avtoulovini boshqarib ketayotib, rul boshqaruvini yo‘qotib yo‘l chetidagi temir panjaraga urilgan.
Natijada “Spark” avtoulovi haydovchisi Yo.R. hamda yo‘lovchi 2008-yilda tug‘ilgan A.E. olingan tan jarohatlari natijasida voqea joyida vafot etgan.
YTHga “Spark” avtoulovi haydovchisi avtoulov tezligi yuqori bo‘lganligi sababli rul boshqaruvini yo‘qotgani sabab bo‘lgani aytilgan.
Shuningdek, Yunusobod tumanida 16-yanvar kuni soat 23:00larda TXAY ko‘chasida, haydovchi – 1975-yilda tug‘ilgan A.A. o‘ziga tegishli bo‘lgan “Kobalt” rusumli avtomobilini boshqarib ketayotib, rul boshqaruvini yo‘qotib beton to‘siqqa urilgan.
Natijada haydovchi A.A. olgan tan jarohatlari natijasida voqea joyida vafot etgan. Ushbu avtomobil yo‘lovchisi 1976-yilda tug‘ilgan A.U. “chap oyoq boldir bo‘g‘imi sinishi” tashxisi bilan shifoxonaga yotqizilgan.
Mazkur holatlar bo‘yicha Jinoyat kodeksining 266-moddasi 2 va 3-qismlari bilan jinoyat ishi qo‘zg‘atildi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
