Toshkent shahridan Chorvoqqa avtobus qatnovi yo‘lga qo‘yildi. Bu haqda Transport vazirligi matbuot xizmati
xabar berdi.
“Toshkent viloyatiga keluvchi xorijiy va mahalliy sayyohlarga qo‘shimcha qulayliklar yaratish maqsadida poytaxtdan Toshkent viloyatining Bo‘stonliq tumaniga (“Chorvoq” erkin turistik zonasiga) grafik asosida qatnovchi avtobuslar harakati yo‘lga qo‘yildi”, - deyiladi xabarda.
Avtobuslar Mashinasozlar metro bekati – Chorvoq yo‘nalishida har kuni uchta grafik asosida harakatlanadi. Qatnov masofasi 75 km bo‘lgan yo‘nalishda yo‘lovchilar belgilangan manzilga 1 soat 10 daqiqada yetib boradi.
Avtobuslar Mashinasozlar metro bekatidan soat 7:00, 13:00 va 18:00 da jo‘naydi. Chorvoqdan esa 6:00, 11:00 va 16:00 da harakatlanadi.
Ta’kidlanishicha, qatnovlar “Uzautotrans service” korxonasining "Yutong" avtobuslarida amalga oshirilmoqda. Ushbu yo‘nalishda yo‘lkira narxi 15 000 so‘m etib belgilangan.
31°
Kechasi 18°
