O‘zbekistonda Toshkent–Urganch–Toshkent yo‘nalishida qo‘shimcha poyezdlar qatnovi yo‘lga qo‘yiladi. Bu haqda “O‘ztemiryo‘lyo‘lovchi” korxonasi matbuot xizmati xabar berdi.

Ma’lum qilinishicha, yo‘lovchilarga, ayniqsa, talabalarga yanada ko‘proq qulaylik yaratish maqsadida 2022-yil 4-yanvardan 9-yanvargacha Toshkent–Urganch–Toshkent yo‘nalishida 556/555 sonli qo‘shimcha yo‘lovchi poyezdlarining qatnovi yo‘lga qo‘yiladi.

Harakat jadvaliga ko‘ra Toshkent–Urganch yo‘nalishidagi 556-sonli yo‘lovchi poyezdi 2022-yil 4, 6, 8 yanvar kunlari soat 23:00 da Toshkent janubiy temir yo‘l vokzalidan, Urganch–Toshkent yo‘nalishida harakatlanadigan 555-sonli yo‘lovchi poyezdi esa 2022-yil 5, 7, 9 yanvar kunlari soat 19:30 da Urganch temir yo‘l vokzalidan qatnovini amalga oshiradi.

Qayd etilishicha, qo‘shimcha reyslar yo‘lga qo‘yilishi sababli 2022-yil 7-yanvar kuni Andijon–Xiva yo‘nalishida harakatlanadigan 656-sonli yo‘lovchi poyezdining harakat jadvaliga 1 kunlik o‘zgartirish kiritiladi.

• Toshkent
• Urganch