Toshkent tumanlarining ayrim hududlarida elektr ta’minoti vaqtincha to‘xtatildi. Bu haqda “Toshkent shahar elektr tarmoqlari” xabar berdi.

Keltirilishicha, isteʼmolchilarga sifatli va barqaror elektr energiyasi yetkazib berilishini taʼminlash va elektr tarmoqlaridagi avariyaviy holatlarni oldini olish hamda mavjud elektr qurilmalarida ta’mirlash ishlarini olib borish maqsadida bugun, 8-avgust kuni quyidagi manzillarda elektr taʼminoti vaqtincha o‘chirilgan.

Yashnobod tumani: “Shoxsanam” MFYning ayrim hududlarida soat 09:30 dan 12:00 gacha;

Yangihayot tumani: “Shoxsanam” MFYning ayrim hududlarida soat 10:00 dan 18:00 gacha;

Olmazor tumani: “Qo‘shtut”, “Olimpiya”, “Beruniy” hamda “Mirzo G‘olib” MFYlarining ayrim hududlarida soat 10:00 dan 17:00 gacha.

O‘z navbatida, yuqoridagi hududlarda ta’mirlash ishlari belgilangan vaqtdan avvalroq yakunlanishi mumkinligini bildirib o‘tamiz.

“Toshkent shahar elektr tarmoqlari” MChJ mazkur taʼmirlash ishlari tufayli elektr taʼminotidagi vaqtincha uzilishlar sababliy yetkazilayotgan noqulayliklar uchun ushbu hududlarda yashovchi isteʼmolchilardan uzr soʻraydi.

• Elektr energiyasi