“Toshshahartransxizmat” avtobus saroylari faoliyatining 2021-yil 9 oy yakunlari bo‘yicha bir yo‘lovchi tashish uchun shakllangan xarajatlari to‘g‘risida ma’lumot e’lon qilindi.

Ma’lum qilinishicha, ushbu davrda tashilgan yo‘lovchilar soni 102,7 million nafarni tashkil qilgan. Shuningdek, avtobuslarning yo‘nalishlarda yurgan masofasi 64 million 310,5 ming kilometrga teng.

Qayd etilishicha, yo‘lovchilarni tashish uchun sarflangan jami xarajatlar 334 milliard 188,0 million so‘mni tashkil qilgan. Shu bilan birga, amaldagi yo‘l kira tarifi — 1400 so‘m.

Ta’kidlanishicha, 1 yo‘lovchi uchun xarajatlar — 3254,0 so‘mga teng. Shuningdek, 1 kilometr uchun xarajatlar — 5196,5 so‘mni tashkil etadi.

• Toshkent
• Transport