Tosterlari bilan odamlar tiliga tushgan Balmuda yapon kompaniyasi Tokioda o‘tgan matbuot anjumanida o‘z smartfonini taqdim etdi.

Kompaniya bosh direktori Gen Terao oxirgi paytlar smartfonlarning juda katta bo‘lib ketayotganini ta’kidlagan. Balmuda Phone esa o‘zining kompaktligi bilan boshqa smartfonlardan farqlanib turadi.

Uning ekrani 4,9 dyumni tashkil etadi. Qalinligi 13,7 mm, orqa panelning o‘ng tomoniga 48 megapikselli kamera o‘rnatilgan, chap tomonida esa barmoq izi skaneri bor. Old kamera 8 megapiksel. U 6 GB operativ, 128 GB o‘rnatma xotiraga ega Qualcomm Snapdragon 765 protsessori o‘rnatilgan. Simsiz quvvatlash imkoniyati bor. Operatsion sistemasi Android 11.

Xabarga ko‘ra, smartfon noyabrning oxirga borib yapon bozorlarida paydo bo‘ladi. Narxi 920 AQSh dollari etib belgilanmoqda.

• Yaponiya
• texnologiya