AQShning sobiq prezidenti Donald Tramp chet ellik oliy o‘quv yurtlari bitiruvchilariga Green Card berish g‘oyasini ilgari surdi. Siyosatchi ularning mamlakatda qolishlarini xohlaydi. Bu haqda “MIR24” xabar berdi.

“Men eng yaxshi universitetlarni tugatgan va bu yerda qolishni juda xohlagan odamlarni bilaman va ularning o‘z rejasi, konsepsiyasi bor edi. Lekin ular buni qila olmaydi, hatto kompaniyalar bilan shartnoma tuza olmaydi. Chunki ularda mamlakatda qolish imkoni umuman yo‘q” – dedi siyosatchi.

Shuningdek, u Green Card mamlakatga eng yaxshi va eng yorqin odamlarni import qilish imkonini beradi degan fikrlarni ham aytib o‘tgan.

Lekin ushbu fikrlar mamlakatga noqonuniy ravishda kelganlarga taalluqli yoki yo‘qligi aniq emas.

• AQSh
• Tramp