AQShning saylangan prezidenti Donald Trampning jamoasi Qo‘shma Shtatlar Davlat departamentidagi bir qancha yuqori martabali diplomatlarning iste’fosini talab qilgan.

Bu haqda The Washington Post xabar berdi.

Nashrga ko‘ra, ushbu chora-tadbirlar Jo Baydenning ketayotgan ma’muriyati bilan “hal qiluvchi tanaffus”ni namoyish etish uchun mo‘ljallangan.

Manbalarga ko‘ra, o‘nlab diplomatlar Tramp yordamchilaridan ko‘rsatma olgach, 20-yanvar kuni tushda iste’foga chiqishadi. Ma’lum qilinishicha, majburiy iste’folar orasida AQSh Davlat kotibining siyosiy masalalar bo‘yicha o‘rinbosari Jon Bass va Davlat kotibining energiya resurslari bo‘yicha yordamchisi Jefri Payett ham bor.

Iste’foga chiqish so‘ralgan diplomatlardan biri o‘z nomini oshkor qilmaslik sharti bilan gazetaga bergan intervyusida Tramp jamoasi “masalani professional tarzda hal qilganini” aytib o‘tgan.

Nashr qayd etganidek, bu nomzodlardan biri Trampning birinchi prezidentlik davrida Davlat departamenti ijrochi kotibi lavozimida ishlagan Liza Kennadir. Gazetaning yozishicha, Kenna davlat kotibining siyosiy masalalar bo‘yicha o‘rinbosari lavozimini egallashi mumkin.

• AQSh
• Tramp