“Menimcha, biz buni qila olamiz”, – degan AQSh rahbari. Ammo, Daniya bosh vaziri Mette Frederiksen o‘tgan hafta Tramp bilan telefon orqali bo‘lgan suhbatida Grenlandiya sotilmasligini ta’kidlagani haqidagi xabarlar paydo bo‘lgan edi.

Tramp Grenlandiyani sotib olish masalasini birinchi marta 2019-yilda prezidentligining ilk muddati davomida ko‘targan edi. Uning ta’kidlashicha, Qo‘shma Shtatlarning Orol ustidan nazorati xalqaro xavfsizlik uchun “mutlaq zarurat”ga aylangan.

“Menimcha, (Grenlandiya) aholisi biz bilan birga bo‘lishni xohlaydi. Daniya bu yerda nimani da’vo qilayotganini bilmayman, lekin agar ular bunga rozi bo‘lsalar, juda ajoyib ish bo‘lar edi, sababi bu erkin dunyoni himoya qilish uchun zarur”, – deya qo‘shimcha qilgan u.

“Menimcha, biz Grenlandiyani sotib olamiz, chunki gap tinchlik haqida ketmoqda. Faqat Qo‘shma Shtatlar erkinlik va tinchlikni ta’minlay oladi, ular esa yo‘q”, – degan Tramp.

• AQSh
• Daniya
• Tramp
• savdo