AQSh Prezidenti Donald Tramp antisemitizmga qarshi kurashish uchun buyruq chiqardi. Unda falastinliklar uchun namoyishlarda qatnashgan va AQSh fuqarosi bo‘lmagan kollej talabalarini deportatsiya qilishga va’da berdi.

Nashrga yetib kelgan hujjatda AQSh Adliya vazirligi tomonidan “Amerika yahudiylariga qarshi terroristik tahdidlar, o‘t qo‘yish, vandalizm va zo‘ravonlik”ni ta’qib qilish va “kampuslar va ko‘chalarda antisemitizm portlashi” deb atalgan narsaga qarshi kurashish uchun barcha federal resurslarni ishga tushirish uchun “tezkor choralar” ko‘rishni va’da qilinadi.

“Jihodchilarni qo‘llab-quvvatlovchi norozilik namoyishlariga qo‘shilgan barcha musofirlarni ogohlantiramiz: 2025-yilga kelib, biz sizni topamiz va deportatsiya qilamiz. Shuningdek, men har doimgidek radikalizm bilan to‘lib ketgan kollejlar kampuslaridagi barcha XAMAS tarafdorlarining talabalik vizalarini ham tezda bekor qilaman”, – dedi prezident 2024-yilgi saylovoldi va’dasini takrorlab.

Huquq guruhlari va huquqshunos olimlarning aytishicha, yangi chora konstitutsiyaviy so‘z erkinligi huquqlarini buzadi va huquqiy muammolarga olib kelishi mumkin.

“Birinchi tuzatish Qo‘shma Shtatlardagi barchani, shu jumladan Amerika universitetlarida tahsil olayotgan chet el fuqarolarini ham himoya qiladi. Fuqaroligi bo‘lmaganlarni siyosiy nutqi asosida deportatsiya qilish konstitutsiyaga zid bo‘ladi”, – deydi Kolumbiya universitetidagi Knight First Emendment institutining katta advokati Kerri DeKell.

AQShdagi musulmonlarni himoya qiluvchi yirik guruh ˗ Amerika-Islom munosabatlari kengashi esa agar Tramp bu ishni amalga oshirishga harakat qilsa, bu qarorga sud orqali e’tiroz bildirishni ko‘rib chiqishini ma’lum qildi.

“Buyruqqa muvofiq agentlik va departament rahbarlaridan 60 kun ichida Oq uyga antisemitizmga qarshi kurashda ishlatilishi mumkin bo‘lgan barcha jinoiy va fuqarolik organlari bo‘yicha tavsiyalar taqdim etishi shart”, – deyiladi fakt varaqasida.

Arab Amerika instituti, tarafsiz fuqarolik huquqlari tashkiloti ijrochi direktori Berrining aytishicha, bu buyruq AQSh bo‘ylab so‘z erkinligiga salbiy ta’sir ko‘rsatadi.

• AQSh
• Tramp