AQSh prezidenti Donald Tramp Eron tomonidan qo‘llab-quvvatlanayotgan Yaman husiylarini “xorijiy terrorchi tashkilot” sifatida belgiladi. Sobiq prezident Jo Bayden 2021-yilda Tramp o‘rniga kelgach, uning o‘z muddati yakunida kiritgan ushbu ta’rifni bekor qilgan edi.

2023-yil 7-oktyabrda G‘azoda urush boshlanganidan bir necha hafta o‘tib, husiylar Qizil dengiz va Adan ko‘rfazidagi kemalarga hujumlar uyushtirishni boshlagan edi.

Trampning ijroiya farmonida aytilishicha, husiylar “fuqarolik infratuzilmasiga, jumladan, Saudiya Arabistonidagi fuqaro aeroportlariga bir necha marta hujum qilgan”, shuningdek “2023-yilning oktyabr oyidan beri Isroilga 300 dan ortiq snaryad otgan”.

Trampning husiylarni yana terrorchi sifatida belgilagan farmoni bir necha haftadan so‘ng kuchga kirishi mumkin.

• Bayden
• Farmon
• Tramp