“Fox News” telekanalining ma’lumot berishicha, o‘tgan hafta AQSh saylangan prezidenti Kanada bosh vaziri Jastin Tryudoga agar Ottava AQShga Kanada chegarasi orqali noqonuniy muhojirlar oqimi bilan bog‘liq vaziyatni tubdan o‘zgartira olmasa, shuningdek, hozirda 100 milliard dollarga yaqin bo‘lgan savdo kamomadini kamaytirmasa, o‘zining prezidentlikda ish boshlagan dastlabki kunidan barcha Kanada tovarlariga 25 foiz import bojlarini joriy etishini aytgan.

Bunga javoban vazir Tryudo bu kabi choralar Kanada iqtisodini o‘ldirishini ta’kidlagan. Tramp esa “Kanada, ehtimol, AQShning 51-shtatiga aylanishi mumkin”, – deb javob bergan. Telekanalning ta’kidlashicha, bu ibora Kanada Bosh vazirining asabiy kulgisiga sabab bo‘lgan.

Eslatib o‘tamiz, AQShda bo‘lib o‘tgan prezidentlik saylovlarida g‘olib bo‘lgan Donald Tramp 2025-yil 20-yanvardan o‘z faoliyatini boshlaydi.

• AQSh
• Kanada
• Tramp