AQShning sobiq prezidenti Donalt Tramp prezidentlik sayloviga o‘z nomzodini qo‘yish niyatida. Bu haqda “The New York Post” gazetasi CNN telekanaliga tayanib xabar berdi.

Qayd etilishicha, AQShning sobiq prezidenti Donald Tramp yaqin oylarda 2024-yilgi prezidentlik sayloviga o‘z nomzodini ko‘rsatadi.

Mahalliy OAVga ko‘ra Tramp joriy yilning, noyabr oyida bo‘lib o‘tadigan oraliq muddatli Kongress saylovlari oldidan prezidentlikka nomzodini kiritadi. U 2024-yilgi prezidentlik poygasiga erta, ehtimol oraliq saylovdan oldin ham kirishi mumkin. Siyosatchining atrofidagilar kampaniya boshlashga hozirlik ko‘rmoqda.

Ma‘lum qilinishicha, AQShda oraliq saylovlar 2022-yilning noyabri oyiga belgilangan. Ular Vakillar palatasining barcha a’zolarini va senatorlarning bir qismini saylashadi. Navbatdagi prezidentlik saylovlari esa, 2024-yilda bo‘lishi kerak.

Shuningdek,Trampning o‘zi avvalroq saylovlarda ishtirok etish haqidagi savolga to‘g‘ridan-to‘g‘ri javob bermagan, biroq shu bilan birga bunday istiqbolni ham inkor etmadi.

• AQSh
• Bayden
• Prezident
• Tramp
• saylov