20-yanvar kuni Prezidentlik lavozimiga kirishadigan Donald Tramp o‘zining memkoinini yaratganini e’lon qildi. Ushbu  xabar uning ijtimoiy tarmoqlardagi sahifalarida ma’lum qilindi. Shuningdek, foydalanuvchilar yangi kriptovalyutasini sotib olishlari mumkin bo‘lgan saytga havolani taqdim etildi.

Memkoin - bu asosiy qiymatga ega bo‘lmagan raqamli aktiv. Odatda, memkoinlar mashhur Internet memlari, ijtimoiy tendensiyalar yoki muhim voqealar bilan bog‘liq. Bunday loyihalarni yaratuvchilar odatda ularni yanada rivojlantirishni rejalashtirmaydilar. 2024-yilda memkoinlar kriptovalyuta sanoatining eng tez rivojlanayotgan yo‘nalishiga aylandi.

Tramp bir necha bor kriptovalyutalarni qo‘llab-quvvatlashini bildirdi. Shuningdek, u raqamli aktivlarni rivojlantirishni milliy ustuvor vazifaga aylantiradigan farmon chiqarish rejalarini e’lon qildi.

• AQSh
• Kriptovalyuta
• Tramp