AQSh prezidenti o‘z farmonlari bilan qurolli kuchlardagi inklyuzivlik va xilma-xillik siyosatiga taqiq qo‘ydi. Shuningdek, COVID-19ga qarshi emlanishdan bosh tortgani uchun ishdan bo‘shatilgan barcha harbiylarni lavozimlariga tiklashni buyurdi.

AQSh prezidenti Donald Tramp AQSh armiyasiga tegishli to‘rtta farmonni imzolaganini e’lon qildi. Ushbu farmonlarda Tramp va’da qilganidek, harbiylarga qurolli kuchlarda DEI siyosatini to‘xtatishni, shuningdek, bundan buyon faqat ikkita biologik jinsni tan olishni buyurgan.

Reuters agentligining xabar berishicha, armiya jinsi to‘g‘risidagi farmonda aytilishicha, boshqa jinsga mansublik to‘g‘risidagi “yolg‘on” da’volar bundan buyon harbiy xizmat qoidalariga zid deb hisoblanadi.

Tramp allaqachon AQSh armiyasi bundan buyon faqat ikkita jinsni tan olishini aytgan edi: erkak va ayol.

Reuters ma’lumotlariga ko‘ra, Tramp o‘zining yangi mudofaa vaziri Pit Xegsetga gender xilma-xilligini taqiqlash to‘g‘risidagi farmonni bajarish uchun 60 kun bergan.

• AQSh
• Farmon
• Tramp