Kit Kellog Ukrainadagi mojaro uchun AQShning maxsus elchisi etib tayinlandi.

Kellog iste’fodagi general-leytenant va Vetnam urushi faxriysi hisoblanadi. Uzoq vaqt davomida u Pentagonda turli lavozimlarda ishlagan va ko‘p tajribaga ega. Iyun oyida Kellog Trampning maslahatchisi Frederik Flitz bilan birgalikda Ukrainadagi mojaroni hal qilish rejasini e’lon qilgan edi.

Reja mualliflarining xabar berishicha, Tramp bu g‘oyaga xayrixohlik bildirgan. Kellog Ukrainani “Yangi Sparta” deb atab, uni qo‘llab-quvvatlashga chaqirgan.

Vetnam urushi faxriysi The Wall Street Journal nashriga bergan intervyusida Rossiya bilan bog‘liq muammolarni birinchi navbatda sanksiyalar yoki qurolli mojarolar bilan emas, balki shaxsiy kelishuvlar bilan hal qilish kerakligini aytgan.

• AQSh
• Ukraina