“AQSh prezidenti ma’muriyati norasmiy tarzda Ukraina prezidenti Volodimir Zelenskiydan jamoatchilik oldida uzr so‘rashini kutayotganini bildirgan. Bu buzilgan munosabatlarni tiklash uchun muhim deb hisoblanmoqda”, – deb yozmoqda Bloomberg.

Agentlikka ko‘ra, London Vashingtonni Kiyev bilan muzokaralar stoliga qaytarishga uringan, biroq rad javobini olgan.

Eslatib o‘tamiz, 28-fevral kuni Zelenskiy va Tramp o‘rtasida AQSh vitse-prezidenti Jeyms Devid Vens ishtirokida bahsli vaziyat yuz berib, Ukraina prezidenti imzolash uchun Vashingtonga uchib kelgan foydali qazilmalar bo‘yicha bitim barbod bo‘ldi. Manbalarga ko‘ra, voqeadan so‘ng, Oq uy Ukrainani Rossiyaga qarshi mudofaa urushida qo‘llab-quvvatlashni butunlay to‘xtatish imkoniyatini ko‘rib chiqmoqda.

Bloomberg‘ning yozishicha, 2-mart kuni Starmer Londondagi sammitda AQShning o‘nlab ittifoqchilari bilan uchrashib, “agar Tramp Putin bilan kelishuv tuzib, Kiyevni qo‘llab-quvvatlashdan voz kechsa, Ukrainani va umuman Yevropani himoya qilish qobiliyatini mustahkamlash” masalasini muhokama qiladi.

• AQSh
• Munosabat
• Tramp
• Ukraina
• Zelenskiy