Kaliforniyaning Riversayd okrugi sherifi AQSh prezidentligiga nomzod Donald Trampga uchinchi suiqasdning oldi olindi, deb xabar berdi. Hodisa Kaliforniyadagi Koachella vodiysida Tramp saylovoldi tashviqoti mitingiga yaqin joyda yuz berdi.

Xabar qilinishicha, politsiya xodimlari Miller ismli shaxsda ov miltig‘i, o‘qlangan to‘pponcha va yuqori sig‘imli jurnalni topib olishgan. Tekshirish punktida Miller soxta VIP talon va press ID-ni taqdim etdi. Politsiyaning aytishicha, qo‘lga olingan shaxs 49 yoshda va Las-Vegasda yashaydi.

Ayblanuvchi hibsga olinib, tergov izolyatoriga olib ketilgan. U o‘qotar qurol va katta hajmdagi jurnalni noqonuniy saqlashda ayblanmoqda.

“Ushbu hodisa sobiq prezident Trampning yoki tadbirda ishtirok etayotganlarning xavfsizligiga ta’sir qilmadi”, — deyiladi sherif idorasi matbuot bayonotida.

• AQSh
• Tramp
• suiqasd