“Birinchi maqsad Chikago shahri bo‘ladi. Reyd inauguratsiyadan keyingi kuni ertalab boshlanib, bir hafta davom etadi. AQShning Immigratsiya va bojxona xizmati operatsiyani o‘tkazish uchun 100-200 nafar xodimni jalb qiladi”, – deb yozmoqda The Wall Street Journal.

Ma’lum bo‘lishicha, ushbu keng ko‘lamli operatsiyani Tramp ma’muriyatida “chegara nazorati rahbari” lavozimini egallashi kutilayotgan Tom Homan o‘tgan oy Chikagoga tashrifi chog‘ida rejalashtirgan.

“Biz aynan shu yerdan, Chikagodan boshlaymiz. Agar Chikago meri yordam berishni xohlamasa, chetda tursin. Ammo agar u bizga to‘sqinlik qilsa yoki noqonuniy migrantlarni ongli ravishda yashirsa, men uni qonuniy javobgarlikka tortaman”, – degan Homan Chikagoga tashrifi chog‘ida.

Shuningdek, Chikagodan so‘ng reydlar Los-Anjeles, Nyu-York, Mayami va Denver shaharlarida o‘tkazilishi rejalashtirilgan.

Avvalroq, Tramp saylovoldi kampaniyasi davomida bir necha bor noqonuniy migrantlarga qarshi kurashni o‘zining asosiy vazifalaridan biri deb hisoblashini aytib, ommaviy deportatsiyalarni boshlashni va’da qilgan edi.

• AQSh
• Tramp
• migrant