BBC telekanalining xabar berishicha, Daniya AQShda bo‘lib o‘tgan prezidentlik saylovlarida g‘alaba qozongan respublikachi Donald Trampning orolni nazorat qilish va unga egalik qilish muhimligi haqidagi bayonotidan so‘ng, Grenlandiyani himoya qilish xarajatlarini ko‘paytirish niyatida.

Ta’kidlanishicha, mudofaa paketining qiymati kamida 1,5 milliard dollarni tashkil etadi va bu mablag‘lar, ikkita yangi tekshiruv kemasi, ikkita uzoq masofali uchuvchisiz uchish apparati (UAV)ni sotib olishga hamda ikkita qo‘shimcha itlar chanasi ekipajini jalb qilishga sarflanadi.

Bundan tashqari, mamlakat rasmiylari F-35 qiruvchi samolyotlariga xizmat ko‘rsatish uchun orolning fuqarolik aeroportlaridan birini yangilashni rejalashtirmoqda.

Avvalroq, ommaviy axborot vositalari Tramp Grenlandiyani Daniya nazoratidan olib qo‘yish bilan tahdid qilgani haqida xabar bergan edi. Uning ta’kidlashicha, AQSh orol ustidan nazoratni butun dunyo bo‘ylab milliy xavfsizlik va erkinlik masalalari bilan bog‘liq  bo‘lgan “mutlaq zarurat” deb biladi.

• AQSh
• Daniya
• Tramp