Fuqarolarning tungi vaqtdagi dam olishini buzganlik uchun endilikda fuqarolarga 113 ming so‘m miqdorida jarima solinadi. Bu haqda Adliya vazirligi ma’lum qildi.

Qayd etilishicha, tungi vaqtda (soat 23.00 dan 06.00 gacha) fuqarolarning osoyishtaligi va normal dam olishini buzish, ya’ni baland ovoz bilan qo‘shiq aytish, musiqa chalish, tovush signallari berish, xonadonlarda, turar joylarning yo‘laklari va eshiklarida, ko‘chalarda ovozi baland qilib qo‘yilgan televizorlar, radiopriyomniklar, magnitofonlar va ovoz chiqaruvchi boshqa apparaturalardan foydalanish, turar joy binolarida va ulardan tashqarida juda zarur bo‘lmagani holda shovqin chiqaruvchi ishlar qilish, quyidagi miqdorda jarima solishga sabab bo‘ladi:

– fuqarolarga BHMning uchdan bir qismi;

– mansabdor shaxslarga BHMning uchdan bir qismidan ikkidan bir qismigacha.

• Adliya