2022-yilning 30-31-may kunlari Turkiy davlatlari tashkiloti (TDT) bosh kotibi Bag‘dod Amreyevning O‘zbekiston Respublikasiga tashrifi bo‘lib o'tadi. Bu haqda Tashqi ishlar vazirligi matbuot xizmati xabar berdi.

Qayd etilishicha, O‘zbekiston vazirlik va idoralaridagi uchrashuv hamda muzokaralarda O‘zbekiston va TDT o‘rtasidagi hamkorlikning bugungi holati hamda istiqbollari, shuningdek, mazkur tashkilotning respublikada bo‘lib o‘tadigan sammitga tayyorgarlik masalalari muhokama qilinadi.

Bundan tashqari, O‘zbekistonda o‘tkazilishi rejalashtirilgan Turkiy davlatlari tashkiloti transport vazirlari Kengashi, qishloq xo‘jaligi vazirlari Kengashining yig‘ilishlari hamda Turkiy agroforum va boshqa qator tadbirlar yuzasidan fikr almashiniladi.

• TIV
• Turkiyzabon