Turkiy davlatlar tashkiloti Qozog‘istondagi vaziyat bo‘yicha bayonot tarqatib, mazkur mamlakatga har qanday yordamni ko‘rsatishga tayyorligini ma’lum qildi.

“Biz Qozog‘istondagi tinchlik va barqarorlikka katta ahamiyat berishimizni ta’kidlab, (tashkilotimizga) a’zo davlat Qozog‘iston bilan mustahkam birdamligimizni bildiramiz.

Qardosh qozoq xalqining sog‘lom fikriga, normal hayotga qaytish istagiga ishonamiz.

Qozog‘iston rasmiylari keskinlikni tinch yo‘l bilan bartaraf etish va osoyishtalikni tiklash imkoniyatiga ega, deb hisoblaymiz.

Biz Qozog‘iston hukumati va xalqiga har qanday yordamni ko‘rsatishga tayyormiz.

Voqealarda hayotdan ko‘z yumganlar uchun hamdardlik bildiramiz va jarohatlanganlarning tezroq sog‘ayib ketishini tilaymiz”, - deyiladi xabarda.

Shuningdek, Turk davlatlari tashkilotiga Ozarbayjon, Turkiya, Qirg‘iziston, O‘zbekiston kabi Qozog‘iston davlati ham kiradi.

Tashkilot 2009-yilda Turkiya Kengashi sifatida tashkil etilgan va 2021-yil noyabr oyida Turkiyada bo‘lib o‘tgan sammitda hozirgi nomini olgan.

• Ozarbayjon
• Qirg‘iziston
• Qozog‘iston
• Turkiya