Turkiya Finlyandiya va Shvetsiyaning NATOga a’zo bo‘lish uchun arizalarini alohida ko‘rib chiqishi mumkin. Bu haqda mamlakat Tashqi ishlar vaziri Mevlut Chavusho‘g‘li bugun, 30-yanvar kuni Anqarada o‘tkazilgan matbuot anjumanida aytib o‘tdi.

“Biz NATOning kengayishiga qarshi emasmiz, Finlyandiya yoki Shvetsiyaga bizning tomonimizdan hech qanday fundamental e'tirozlar yo'q, ammo ular bizning xavotirlarimizni inobatga olishlari kerak. Ha, biz ularning arizalarini alohida ko'rib chiqish variant haqida ham o‘ylayapmiz. Prezidentimiz esa Turkiya Shvetsiyaga nisbatan boshqacha pozitsiyada bo'lishi mumkinligini aytdi”,– deydi u.

Chavusho‘g‘lining so‘zlariga qaraganda, arizalarni taqsimlash bo‘yicha hali rasmiy qaror yo‘q.

"Agar u qabul qilinsa, biz ularni alohida ko'rib chiqishni kutmoqdamiz. Menimcha, mamlakatlarni muammoli va kamroq muammoli deb bo'lish adolatdan bo'lardi. Lekin bizning maqsadimiz bu davlatlarni ajratish emas. Bizning pozitsiyamiz so‘rov va tashvishlarimiz qanday bajarilayotganini xolis baholashga asoslanadi”, — dedi vazir.

Kecha, 29-yanvar kuni Turkiya prezidenti Rajab Toyyib Erdo‘g‘an Finlyandiya va Shvetsiyaning NATOga a’zo bo‘lish istagiga Turkiya turlicha javob berishi mumkinligini tan oldi. Uning ta'kidlashicha, "kerak bo'lsa, Anqara Finlyandiyaga nisbatan boshqacha xabar yuborishi mumkin", keyin esa "Shvetsiya hayratda qoladi". Ammo shu bilan birga, Xelsinki, o'z so'zlari bilan, Stokgolmning "xatolarini takrorlamasligi kerak".

• Erdogʻan
• Finlandiya
• Mavlud Chavusho‘g‘li
• NATO
• Shvetsiya