Isroil Tashqi ishlar vazirining Erdo‘g‘an haqidagi bayonotiga Turkiya Tashqi ishlar vazirligi javob qaytardi. Turkiya Tashqi ishlar vazirligi rahbari Xoqon Fidan butun tarix davomida genotsidning barcha aybdorlari va ularning sheriklari bir xil qismatga duch kelganini aytdi.

“Gitler genotsidi tugaganidek, Netanyaxuning ham genotsidi tugaydi. Falastinliklarni yo‘q qilishga uringanlar o‘z qilmishlari uchun genotsid qilgan natsistlar kabi javob beradi. Insoniyat falastinliklar tomonida bo‘ladi, siz ularni yo‘q qila olmaysiz”, – degan Turkiya tashqi ishlar vaziri.

Avvalroq, Isroil tashqi ishlar vaziri Katz Turkiya prezidenti Rajab Toyyib Erdo‘g‘anning Isroilga kirishga tayyorligi haqidagi bayonotiga munosabat bildirib, uni qatl etilgan Iroq rahbari Saddam Husayn bilan taqqoslagan edi.

• Binyamin Netanyaxu
• Erdogʻan
• Isroil
• Tashqi ishlar vazirligi
• Turkiya