Turkiya 30-sentyabr kuni Rossiya tomonidan Donetsk, Lugansk , Xerson va Zaporijye viloyatlarining RFga qo‘shib olganini tan olmasligini ma’lum qildi. Turkiya hukumati bu qarorni “xalqaro huquqlarning belgilangan tamoyillarini qo‘pol ravishda buzish” deb atadi.

“Turkiya 2014-yilda o‘tkazilgan noqonuniy referendumda Rossiyaning Qrimni qo‘shib olish tan olmadi va har safar Ukrainaning hududiy yaxlitligi, mustaqilligi va suverenitetini qat’iy qo‘llab-quvvatlashini ta’kidladi.Ushbu pozitsiyaga muvofiq tarzda, biz Donetsk, Lugansk, Xerson va Zaporojye viloyatlarini anneksiya qilish haqidagi qarorlarini rad etamiz”, – deyiladi Turkiya Tashqi ishlar vaziri bayonotida.

Turkiya urushning adolatli tinchlik asosida muzokaralar yo‘li bilan hal qilinishini qo‘llab-quvvatlaydi, deya qo‘shimcha qiladi Turkiya Tashqi ishlari vaziri.

• Turkiya
• Ukraina