31°
Kechasi 18°
Anadolu agentligi xabar berishicha, Istanbulda bir kunda 11 kishi qalbaki alkogoldan zaharlanib, qurbon bo‘lgan.
“Istanbulning turli shifoxonalariga 38 kishi qalbaki spirtli ichimliklarni iste’mol qilganidan keyin shikoyat bilan murojaat qilishdi, ulardan 26 nafari chet elliklar. Kasalxonaga yotqizilgan 38 kishidan 24 soat ichida 11 kishi vafot etdi”, – deyiladi agentlik xabarida.
O‘zbekiston bosh konsulligi xabariga ko‘ra, halok bo‘lganlar orasida olti nafar (besh nafar erkak va bir ayol) o‘zbekistonliklar bor. Ular Aksaray hududidan sotib olingan alkogol mahsulotini iste’mol qilishgan.
Mazkur holatga aloqadorlikda ayblanib, 2 nafar Turkmaniston fuqarosi qo‘lga olingan va ularga nisbatan jinoyat ishi ochilgan.
Istanbulda spirtli ichimliklar bilan zaharlangan odamlar noyabr oyining oxiridan boshlab shifoxonaga murojaat qila boshlaganlar, 2025-yil boshiga kelib kamida 37 kishi halok bo‘lgan.
Avvalroq, politsiya soxta ichimlikni ishlab chiqarish va tarqatishda ishtirok etganlikda gumon qilingan jami 36 kishidan 14 nafarini hibsga olgan. Mingdan ortiq savdo markazlarida o‘tkazilgan tekshiruvlar mobaynida mas’ul shaxslar 287 tonnadan ortiq qalbaki spirtli ichimliklarni musodara qilgan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
