Joriy yilning 15-yanvar kuni Istanbul shahridagi O‘zbekiston Bosh konsulxonasiga to‘rt nafar mamlakat fuqarosining (barchasi erkak) qalbaki spirtli ichimlik iste’mol qilish natijasida vafot etganligi bo‘yicha murojaatlar kelib tushgan.

Konsulxona dastlab, 14-yanvar kuni 6 nafar o‘zbekistonlik vafot etgani haqida xabar bergan edi.

Bosh konsulxona diplomatlari ushbu holat yuzasidan Istanbul sog‘liqni saqlash, sud-tibbiy ekspertiza boshqarmasi hamda huquqni muhofaza qilish organlari bilan doimiy aloqada ekanligini bildirgan.

Bosh konsulxona barcha O‘zbekiston fuqarolarini ehtiyot choralari ko‘rishga, shaxsiy xavfsizlikka rioya qilishga va zarur hollarda Bosh konsulxonaga murojaat qilishga chaqirmoqda.

• Alkogol
• Konsullik
• O‘zbekiston
• Turkiya
• Zaharlanish
• fuqaro