2025-yil 17-yanvar kuni Turkiyada qalbaki spirtli ichimlik iste’mol qilish oqibatida yana 3 nafar O‘zbekiston fuqarosi (barchasi erkak) vafot etgan.

Joriy yil 18-yanvar holatiga ko‘ra, spirtli ichimlikdan zaharlanish sababli vafot etgan o‘zbekistonliklarning umumiy soni 17 nafarga yetgan.

Bosh konsulxona tomonidan qalbaki spirtli mahsulotlarni iste’mol qilish natijasida vafot etgan fuqarolarining jasadlarini O‘zbekistonga yuborish uchun zarur hujjatlar rasmiylashtirilmoqda hamda oila a’zolariga kerakli yordam ko‘rsatilmoqda.

Hozirda, Istanbuldagi shifoxonalarning jonlantirish bo‘limlarida qalbaki spirtli ichimlikdan zaharlanib davolanayotgan o‘zbekistonliklar soni 5 nafarni tashkil qilmoqda. Konsulxona xodimlari tomonidan ushbu fuqarolarning holidan xabar olinib, ularning yaqinlari va shifoxona ma’muriyati bilan doimiy aloqada bo‘lib turilganligi ma’lum qilinmoqda.

• Alkogol
• Istanbul
• Turkiya
• Zaharlanish