Turkiyaning Siirt shahrida Erdog‘an ishtirokidagi mitingda portlashi mumkin bo‘lgan bombani maxsus xizmat vakillari xavfsizlantirdilar. Bu haqda mamlakatning bosh partiyasi bo‘lmish Adolat va taraqqiyot partiyasi rahbari o‘rinbosari Hamza Dag‘ ma’lum qildi.

“Portlovchi uskuna Mardinda xizmat qilayotgan politsiyachilar mashinasi ostiga o‘rnatilgan ekan, reja bo‘yicha avtomobil Siirtga yetganida portlashi kerak bo‘lgan” – dedi siyosatchi CNN Turk telekanaliga bergan intervyusida.

Politsiyachilar mashinani tekshirish asnosida bombani ko‘rib qolganlar. Sapyorlar portlovchi uskunani xavfsizlantirganlar. Tekshiruv ishlari boshlangan.

• Terrorizm
• Turkiya