Turkiyaning Ambarla portida Isroil kompaniyasiga tegishli kemaga qarshi norozilik namoyishlari bo‘lib o‘tmoqda. Bu haqda Sahwa Telegram kanali xabar berdi.

Qayd etilishicha, mazkur hudud politsiyachilar tomonidan qattiq qo‘riqlanmoqda, ular hatto OAV xodimlariga ham kirishga ruxsat berishmagan.

Ayni paytda Isroil kompaniyasiga tegishli “ZIM” konteynerlari Turkiyaning Ambarla portiga politsiya nazorati ostida kirib-chiqishda davom etmoqda.

Port politsiyasi konteynerlarga yaqinlashishga uringan fuqarolarni “bunday qilmaslikka” va “mol-mulkka zarar yetkazmaslikka” chaqirgan.

Namoyishlar natijasida Ambarli portida politsiya barrikadasi buzib tashlangan. Port oldida “hamkorlik qiluvchi xoinlar javobgarlikka tortiladi”, degan shiorlar yangragan.

• Namoyish
• Turkiya