O‘zbekiston Respublikasidagi Interpol Milliy markaziy byurosi xodimlari kuzatuvida, Interpol kanallari orqali huquqni muhofaza qiluvchi organlarimiz tomonidan odam savdosi uchun qidirilayotgan va uzoq vaqt davomida Turkiya hududida yashirinib yurgan O‘zbekiston fuqarosi (ayol) Istanbuldan Toshkentga ekstraditsiya qilindi.

Jinoyatchi ayol sotish va ekspluatatsiya maqsadida qizlarga yuqori maosh va’da berib, ularni Turkiyaga olib kelgan. Bu yerda qizlarning pasportlarini tortib olib, ularni fohishalik bilan shug‘ullanishga majburlagan.

“Ikki davlatning Interpol milliy markaziy byurolari o‘rtasidagi hamjihatlik va tezkor hamkorliklari tufayli muvaffaqiyatli qo‘shma faoliyatning ibratli namunasi yuzaga keldi.

Hozirda O‘zbekiston va Turkiya huquqni muhofaza qiluvchi organlari tomonidan bu kabi jinoyatlarni fosh qilish bo‘yicha faol harakatlar amalga oshirilmoqda”, – deya xabar bermoqda O‘zbekistonning Istanbuldagi Bosh konsulxonasi.

• Istanbul
• Konsullik
• Odam savdosi
• Turkiya