TRT xabariga ko‘ra, Isroil armiyasi G‘azoga gumanitar yordam yetkazishni maqsad qilgan “Global Sumud” nomli flotiliyaga hujum uyushtirgan va 170 nafardan ortiq ishtirokchini qo'lga olgan. Hodisa Krit oroli yaqinidagi xalqaro suvlarda sodir bo‘lgan. Umuman olganda, flot tarkibida 39 davlatdan 345 nafar faol qatnashgan.

Operatsiya davomida 21 ta kema ushlab qolingan, ayrim kemalar esa Gretsiya hududiy suvlariga kirishga muvaffaq bo‘lgan.

Mazkur flot joriy yil 12-aprel kuni Barselonadan yo‘lga chiqqan bo‘lib, uning asosiy maqsadi G‘azo sektoriga insonparvarlik yordamini yetkazishdan iborat edi. Hozircha qo‘lga olingan faollarning holati haqida aniq ma’lumot berilmagan.

• Barselona
• G‘azo
• Isroil