Turkiyada mahalliy vaqt bilan soat 08:00 da prezidentlik saylovlarining ikkinchi turida ovoz berish uchun saylov uchastkalari ochildi.

Mamlakat bo‘ylab 191 mingdan ortiq saylov qutilari o‘rnatilgani aytilmqoda. Saylovchilar soni esa 60 milliondan oshgan.

14-may kuni ovoz berishning birinchi turi yakunlari bo‘yicha nomzodlarning hech biri 50 foiz ovoz to‘plamagan, ikkinchi turga chiqish huquqini esa “Respublika alyansi” nomzodi, amaldagi prezident Rajab Toyyib Erdo‘g‘on (49,52 foiz ovoz) va “Xalq alyansi” nomzodi, eng yirik muxolifat Xalq-respublika partiyasi yetakchisi Kamol Qilichdoro‘g‘lu (44,88 foiz ovoz) olgan edi.

Birinchi turda 5,17 foiz ovoz to‘plagan “Ata alyansi”ning sobiq prezidentlikka nomzodi Sinan O‘g‘an tarafdorlarini ikkinchi turda Erdo‘g‘onni qo'llab-quvvatlashga chaqirgan.

Ovozlarni hisoblash saylov uchastkalari yopilgandan so‘ng, mahalliy vaqt bilan soat 17:00 da boshlanadi.

Chet elda yashovchi Turkiya fuqarolari uchun ovoz berish 24-may kuni yakunlangan. 73 mamlakatda jami 3,5 million saylovchi ovoz bergan.

• Turkiya
• saylov